Hooggeregshof beslis in gunste van entstofvervaardigers
2011-02-23 19:09
Die Amerikaanse Hooggeregshof het beslis dat federale wet entstofprodusente beskerm van regsgedinge oor produk-aanspreeklikheid in verband met ’n kind wat dood of beseer is as gevolg van ’n entstof se newe-effekte.
Die hoë hof het Dinsdag in gunste van Wyeth, wat nou deur Pfizer Inc. besit word, beslis. Die regsgeding is deur die ouers van Hannah Bruesewitz gebring. Sy het as baba onder aanvalle gely na haar derde dosis van ’n witseerkeel-tetanus-pertussis (DTP) entstof in 1992.
Pfizer en ander entstofprodusente het aangevoer ’n hoogeregshofbeslissing ten gunste van die eisers sal na ’n vloed regsgedinge kon lei – baie deur families wat glo entstowwe outisme veroorsaak – en die beskikbaarheid van kinderentstowwe dreig.
Pfizer se uitvoerende vise-president, Amy Schulman, het gesê die maatskappy is met die beslissing tevrede.
“Die Entstof Wet wat die Kongres wat byna 25 jaar gelede van toepassing gemaak is het, gepaslik, die verantwoordelikheid vir die bepaal van die optimale ontwerp vir lewensreddende kinderentstowwe in die hande van kundige federale agentskappe geplaas, en nie ’n lappieskombers van staat tort-stelsels nie,” het sy gesê.
Die federale program, wat die sogenaamde entstofhof insluit, het sedert 1989 meer as $1.8-miljard (R12.7-miljard) vir entstof-eise in amper 2 500 sake uitgereik. Dit word deur ’n belasting op entstowwe befonds.
In die Hannah Bruesewitz-saak van Pennsylvania het haar ouers, Russell en Robalee Bruesewitz, aangevoer haar aanvalle en ernstige ontwikkelingsagterstand het uit gifstowwe in die entstof se ontwerp gespruit. Hulle het gesê ’n veiliger alternatief was beskikbaar, maar dat dit nie gebruik was nie. Die DTP-entstof is in 1998 van die mark verwyder.
Wyeth het ontken die entstof het haar beserings veroorsaak.
Volg Nuus24 op Twitter.
- Reuters