Hondsdolheid neem toe in SA

2012-09-26 22:48

Kaapstad – Voorvalle van hondsdolheid is aan die toeneem in Suid-Afrika, het Netcare Travel Clinics gesê.

“Vier mense in KwaZulu-Natal is vanjaar weens hondsdolheid dood,” het dr Pete Vincent in ‘n verklaring gesê.

“Hierdie sterftes en die kommerwekkende aantal voorvalle wat al tydens die afgelope paar maande in Suid-Afrika aangemeld is, het weereens die belangrikheid beklemtoon dat mense oor die siekte ingelig moet word.”

Vrydag is Wêreld Hondsdolheid-dag.

Sowat 55 000 mense gaan elke jaar as gevolg van hondsdolheid dood, 44% van hulle is van Afrika.

Vincent het gesê dat daar ‘n groot wanpersepsie rondom hondsdolheid is.

“Mense moet besef dat dit moontlik is om hondsdolheid te kry as die speeksel van ‘n besmette dier in kontak kom met ‘n oop wond.”

Nog ‘n wanpersepsie is dat alle besmette diere erg aggressief raak.

“Party diere raak selfs baie passief en mens moet maar vir enige gedragsverandering uitkyk,” het Vincent gesê.

Mense mot veral weg bly van honde wat hulle vreemd gedra.

Vincent het bygevoeg dat hondsdolheid deur immunisering voorkom kan word.

– Volg Nuus24 op Twitter
 

- SAPA