Honderde moontlike planete gevind
2013-01-08 15:52
Washington – Nasa se Kepler-teleskoop het 461 nuwe potensiële planete ontdek, waarvan die meeste dieselfde grootte as die aarde, of selfs groter is, het wetenskaplikes gesê.
Die aankondiging beteken dat die Kepler-projek al 2 740 potensiële planete opgespoor het, waarvan 105 bevestig is.
Die nuwe planete sluit in ‘n planeet wat sowat 1,5 keer groter as die aarde is en 242 dae neem om sy son te omwentel. Wetenskaplikes glo dat daar dalk water op die planeet kan wees.
Die doel van die Kepler-projek, wat in 2009 begin het, is om vas te stel hoeveel sterre in die melkweg planete het wat moontlik bewoonbaar kan wees.
“'n Mens het baie spesifieke toestande nodig vir water om teenwoordig te wees. Jy kan nie te naby aan die son wees, waar dit te warm is nie. Jy kan ook nie te ver wees, waar dit te koud is nie. Ons probeer hierdie planete kry met die spesifieke leefbare habitatte,” het Christopher Burke, ‘n wetenskaplike by die Kepler-projek, gesê.
– Volg Nuus24 op Twitter
- Reuters
