Hier kom 'n koffie-gedrewe kar
2010-03-08 12:31
Londen - 'n Koffie-aangedrewe motor gaan eersdaags 'n rit van Londen na Manchester onderneem, maar dit is alles behalwe 'n lafenis.
Die Carpuccino, soos dit gedoop is, is uit 'n 1988 Volkswagen Scirocco geskep wat vir sowat R4800 gekoop is. 'n Span van die BBC-wetenskapprogram, Bang Goes The Theory, het die motor gebou.
Die Carpuccino gaan 'n rit van 330 km van Londen na Manchester onderneem en sal by die Big Bang-wetenskapskou tentoongestel word. Die motor sal vir die volle duur van die rit deur geroosterde koffiebone aangedryf wees.
Sowat 70 kg koffie, wat sowat R11 000 of tussen 25 en 50 keer die koste van die petrol, sal vir dié rit gebruik word. Die rit gaan die ekwivalent van 11 760 espressos gebruik en die span sal elke 50 tot 70 km 'n koffiebreuk moet vat om nog koffiekorrels in te gooi en elke 100 km om sy filters skoon te maak.
– Daily Mail