Helderste voorwerp in heelal gewaar
2011-06-30 19:56
New York – ‘n Span Europese astronome wat terug in tyd gekyk het toe die heelal nog ‘n tjokkertjie was, het gesê hulle het die oudste en verste geleë kwasar op rekord ontdek.
Die lig van dié ruimteliggaam, amper soos ‘n ster, het 13 miljard jaar geneem om die aarde te bereik.
Dit beteken die kwasar het bestaan toe die heelal 770 miljoen jaar oud was – ‘n kleuter in die kosmos aangesien die oernkal 13.7 miljard gelede klippe die heelal in laat spat het.
Die kwasar is die helderste ruimteliggaam nog ooit gesien.
Wetenskaplikes is verbaas oor die grootte van die swartgat wat die kwasar onderhou en van krag voorsien.
Dié reuse-leemte is 13 miljard keer groter as die son.
Hoe die gat so groot geword het in die heelal se vroeë jare laat selfs dié slimkoppe kopkrap, aangesien swartgate groei deur sterre en ruimtegasse te “eet” en voorheen is gemeen hulle groei stadig.
Die navorsers het hul vonds in die wetenskapjoernaal Nature bekendgemaak.
– Lees meer hier.
– Volg Nuus24 op Twitter.