Heello, is dit jy, Twitter?
2011-08-12 19:02
Kaapstad – Die stigter van die webtuiste Twitpic, waar Twitter-gebruikers foto’s met mekaar deel, het sy eie sosiale netwerk op die been gebring en dit lyk baie na Twitter.
Gebruikers skep ‘n op Heello 'n profiel met ‘n @gebruikersnaam, net soos op Twitter.
Ook soos op Twitter kan gebruikers ‘n 140-karakter ‘ping’ aan volgelinge stuur.
Ander gebruikers volg egter nie jou profiel nie – hulle ‘luister’.
Ander gebruikers se brokkies word ook nie retweet nie – dit word geëggo.
Op Twitter eggo gebruikers ook die nuus oor Heello en dié was Vrydagoggend een van die mees besproke onderwerpe op die sosiale netwerk.
“Ek het gedink Heello is net ‘n kloon van Twitter, maar dit ontwikkel gou in ‘n parallelle wêreld,” het Andy Baio (@waxpancake) getweet.
Een merkbare verskil is egter die tuisblad wat homself op datum hou waar nuwe tweets op Twitter ophoop tot die gebruiker kliek om hulle te lees.
Die stigter Noah Everett se nuwe sosiale netwerk kom aannlyn kort na Twitter sy eie funksionaliteit uitgebrei het om multimedia, insluitend foto’s, in te sluit sonder die gebruik van ‘n derde party webtuiste soos Twitpic.
“Gebruikers het dadelik na ons die blad aanlyn gebring het begin aanteken,” het Everett (@noah) op sy sosiale netwerk laat hoor.
– Volg Nuus24 op Twitter.
- Nuus24