HP spog met papierdun netbook
2009-09-15 12:53
San Francisco- Hewlett-Packard Co (HP) het verskeie nuwe produkte gemaak, waaronder die super dun en veerlig netbook-skootrekenaar.
Ten spyte van die wêreldwye ekonomiese krisis het HP daarin geslaag om sowat 20% groei te toon. En met die bekendstelling van Microsoft se Windows 7-bedryfstelsel net om die draai word verwag dat rekenaar verkope drasties sal toeneem.
HP kry dit ook reg om steeds meer eksklusiewe produkte te ontwerp vir die wat dit kan bekostig. Sy nuwe Envy-reeks beloof om heelwat aandag te trek. Die netbook sal in direkte kompetisie met Apple Inc se MacBook Air en Dell Inc se Adamo wees.
–Reuters