Groot verwagtinge vir 'grootste' meteoriet
2012-11-01 13:47
Warskou – Poolse geoloë het die grootste meteoriet wat nog ooit in Oos-Europa gevind is, uitgegrawe, en die hoop uitgespreek dat dié steen tot vars leidrade oor die funksionering van die aarde se kern sal lei.
“Ons weet die aarde se kern bestaan uit yster, maar ons kan dit nie bestudeer nie. Hier het ons ‘n voorwerp uit die ruimte wat soortgelyk in struktuur is en ons kan dit nou maklik bestudeer,” het prof. Andrzej Muszynski in Poznan, Pole gesê.
“Dit kan ons kennis verbreed oor hoe die heelal ontstaan het,” het hy gesê.
Twee meteoriet-jagters het die meteoriet van 300 kg, wat meer as twee meter lank is, in die Morasko-reservaat opgegrawe.
“Dit is die grootste meteoriet wat tot dusver in Oos-Europa gevind is,” het prof. Wojciech Stankowski, 'n ander geoloog, gesê.
Geoloë glo dat die meteoriet die aarde sowat 5 000 jaar gelede getref het.
Sowat 1 500 kg se meteoriete is al by die Morasko-reservaat ontdek.
– Volg Nuus24 op Twitter
- AFP
