Groot opgewondenheid oor stokou fossiel

2011-09-19 11:24

Albany – Die Amerikaanse buro van grondbestuur het aangekondig dat ‘n 7 miljoen jaar oue fossiel van ‘n bewer ontdek is.

Werknemers van die buro het die bewertande op grond in die noordooste van die staat Oregon ontdek en dit is nou die vroegste rekord van bewers in Noord-Amerika.

Die Albany Democrat-Herald berig die tande is 7-7.3 miljoen jaar oud.

Die Buro het gesê die vroegste rekords van bewers is in Duitsland ontdek en is 10-12 miljoen jaar oud.

Die fossiele sal by die Thomas Condon-paleontologiesentrum uitgestal word.

– Volg Nuus24 op Twitter.
 

- AP