Groot geld vir 'nuwe Mark Zuckerberg'

2012-07-02 12:00

New York – Peter Thiel, bekende belegger in tegnologiekringe, is op soek na 20 van die belowendste jong innoveerders onder die ouderdom van 20 in die VSA se wêreldbekende Silicon Valley, berig die tegnologiewebwerf Mashable.

Thiel sal $100 000 (sowat R820 000) aan elk van dié 20 entrepreneurs beskikbaar stel om hulle te help om hulle projekte verder te ontwikkel.

'n Spesiale program in twee dele, 20 Under 20: Transforming Tomorrow, wys hoe dié jong mans en dames hul projekte probeer verkoop in 'n poging om die tegnologiewêreld se volgende Steve Jobs of Mark Zuckerberg te word.

Die program, wat op die Amerikaanse netwerk CNBC gebeeldsend is (besonderhede oor 'n Suid-Afrikaanse uitsending is nie beskikbaar nie), wys hoe aansoekers hulle konsepte aan beleggers en entrepreneurs voorlê.

Thiel is bekend vir sy standpunt dat universiteitsopleiding nie noodwendig die beste opsie vir skoolverlaters is nie. Hy sê gereeld jongmense moet liefs entrepreneurs word.

– Lees hier meer.

– Volg Nuus24 op Twitter.