Groep werf kuberkrakers
2010-08-02 10:36
Las Vegas – ‘n Elite groep wat die afgelope dekade werk maak
daarvan om internet-boewe te stop, het die sluier gelig op hul
kuber-aktiwiteite en kuberkrakers begin werf.
Chet Uber, die hoof van Vigilant, het dié elite groep as die
“A-Team” van die web beskryf.
Hulle wil kuberkrakers werf om te help met die vasvat van
terroriste, dwelmnetwerke, lede van die mafia en ander booswigte.
“Ons doen wat die regering nie kan nie,” het Uber gesê.
Vigilant is ‘n organisasie van meer as 600 vrywilligers wat in
die geheim vir die VSA weermag werk.
Die lede sluit bestuurshoofde van top tegnologiese firmas
sowel as voormalige spioene in.
Hulle fynkam die internet vir leidrade van
terroriste-aanvalle, kartels en ander teikens wat lede van dié privaat
organisasie as prioriteite identifiseer.
- AFP