Google+ wil Facebook se vriende steel
2011-06-29 09:36
Los Angeles – Tot op hede was Google maar ‘n melkpensie; die koning van internet-soeke, maar ‘n bleeksiel as dit by met Facebook vir vriende moet kompeteer.
Google wil egter van die dik bril ontslae raak en ‘n paar nuwe bande smee met sy eie sosiale netwerk, Google+.
“Aanlyn-geselskappe is ongemaklik. Ons wil dit regmaak,” het Google se adjunk-hoof-ingenieur, Vic Gundotra, gesê.
Kritiek teen Facebook handel dikwels oor die deel van inligting met alle vriende.
“Nie alle verhoudings is gelyk nie,” het Gundotra gesê. “In werklikheid deel mens dalk een ding met vriende, ‘n ander met ouers en byna niks met jou baas.”
“Die probleem met vandag se aanlyn dienste is vriendskappe wat as kitskos bemark word – almal word in ‘vriendpapier’ toegedraai – en aanlyn geselskappe ly daaronder,” het hy gesê.
Google+ is by die webadres plus.google.com te vind, maar is tans net aan ‘n handjievol mense beskikbaar en word nog getoets.
Die sosiale netwerk het glo video-oproepe, die aanlyn-inboek by bestemmings en SMS aan vriendegroepe in sy sosiale arsenaal.
– Volg Nuus24 op Twitter.
- AFP