Google teiken nou televisie
2012-02-23 15:01
New York – Die internetreus Google wil 'n betaaltelevisiediens begin, het The Wall Street Journal berig.
Die maatskappy het verlede week 'n aansoek ingedien om 'n betaaltelevisiediens aan inwoners van Kansas City, Missouri, te verskaf.
Indien dit goedgekeur word, kan die diens al binne 'n maand op die been wees.
Die diens sal volgens berigte ook regstreekse televisiekanale insluit.
Google beplan glo om die diens later buite die grense van Kansas City ook beskikbaar te stel, en om aanvanklik van die Amerikaanse diensverskaffer Verizon se vesel-optiese kabelnetwerk gebruik te maak.
The Wall Street Journal het in November 2011 ook berig dat Google met Disney, Time Warner en Discovery Communications onderhandel het oor die moontlike verskaffing van inhoud vir die maatskeppy se televisiediens.
– Lees hier meer.
– Volg Nuus24 op Twitter.