Google se soekenjin nóg vinniger
2010-09-09 11:31
Kaapstad – Google se nuwe soekenjin gee resultate nog voordat jy ophou tik het.
Die nuwe tegnologie, wat as Google Instant bekendstaan, is twee tot vyf sekondes vinniger as sy huidige soekenjin, het Google gesê.
Dit beteken dat verbruikers meer soektogte op hul webwerf kan doen.
En met die kompetisie wat aan die toeneem is, gee dié tegnologie Google nuwe ammunisie.
Volgens Marissa Mayer, Google se adjunk-president, het niemand nog ‘n diens aan verbuikers verskaf wat soek terwyl hulle tik nie.
Dié tegnologie sal in verskeie lande beskikbaar wees, insluitend Frankryk en die Verenigde Koninkryk, binne die volgende paar weke.
- Vir die volledige storie besoek Mashable.
- Volg Nuus24 op Twitter.