Google maak dit moeiliker om onwettig af te laai
2011-11-25 13:14
New York – Die internet-soekreus Google het verskeie webblaaie van sy soekblad verwyder in ‘n poging om die onwettige aflaai van media stop te sit.
Google het gewilde blaaie soos The Pirate Bay, isoHunt, 4Shared en Torrentreactor van sy soekblad verwyder. Die outolaaifunksie sal nie meer soektogte na hierdie blaaie voltooi nie, en dit sal ook nie meer op die Google Instant-diens verskyn nie. Die enigste manier om dié blaaie op Google te vind is om die volle name in Google se soekblok uit te tik.
Soekterme soos “torrent”, “BitTorrent" en “RapidShare” word reeds nie outomaties vir gebruikers in die soekblok voltooi nie.
“Ons het ‘n klein verandering aan die soekblad se algoritme aangebring wat ‘n positiewe verskil kan maak,” het Mistique Cano, ‘n woordvoerder van Google, gesê.
Met dié stap probeer Google glo die onwettige deel en aflaai van media stopsit.
“Ons het die stappe geneem in ‘n poging om blaaie wat kopiereg verontagsaam te swartlys.”
– Lees meer hier.
– Volg Nuus24 op Twitter.