Google laat vaar energieplan, ander projekte
2011-11-23 15:31
Los Angeles – Die internet-soekreus Google het sy ambisieuse plan om hernubare energie goedkoper as fossielbrandstof te maak, te same met ander van sy projekte laat vaar.
Google het gesê hy sal sewe van sy huidige projekte, insluitend die aanlynensiklopedie Knol en die boodskapdiens Wave, laat vaar om op sy hoofdoele te fokus.
Dit is die derde “opruimsessie” by Google sedert die medestigter Larry Page in April vanjaar die leisels by die maatskappy oorgeneem het, lui die maatskappy se blog.
“Ons laat vaar verskeie projekte wat nie die impak gehad het waarvoor ons gehoop het nie,” het Google se adjunkhoof van projekte, Urs Holzle, gesê.
Die projekte Google Knol, Google Search Timeline, Google Gear, Google Friend Connect, Google Bookmarks Lists en Google Wave sal binnekort almal van lyn af gehaal word.
– Volg Nuus24 op Twitter.
- Reuters