Google eerste tot by ‘n miljard besoekers
2011-06-22 11:10
Los Angeles – ‘n Internet-statistiekgroep het Dinsdag bekendgemaak dat die soekreus Google die eerste aanlyngroep is om meer as ‘n miljard besoekers in ‘n maand te lok.
'n Bietjie meer as 'n miljard besoekers het Google se blaaie in Mei besoek, het comScore bevind.
Microsoft kruip ook al nader aan die groot getal, met sowat 900 miljoen “unieke besoekers” in Mei.
Facebook is derde op die lys, maar comScore het bevind gebruikers loer veel langer op dié sosiale netwerk rond as op Google- en Microsoft-blaaie.
Volg Nuus24 op Twitter.
- AFP