Google blok anti-Islam-rolprent in Maleisië

2012-09-17 18:33

Maleisië – Google het begin om toegang na ‘n anti-Islam-rolprent in Maleisië te blok nadat die land se internet-reguleerder ‘n amptelike klag aanhanging gemaak het.

Innocence of Muslims het Islamiete van oor die hele wêreld vererg deur die spot te dryf met die profeet Mohammed en om Moslems as immoreel en gewelddadig af te maak.

‘n Woordvoerder vir YouTube, wat deur Google besit word, het Maandag gesê dat die internetreus toegang tot die video’s van die rolprent begin beperk het, in lyn met sy gemeenskapsriglyne.

Die Maleisiese Kommunikasie en Multimedia Kommissie (MCMC) het glo Saterdag vir Google gevra om die video’s van YouTube te verwyder.

Google het ook toegang tot die rolprent in Indonesië, Egipte en Indië geblok.

Moslem betogers het van oor die wêreld hul frustrasie teenoor die rolprent uitgedruk deur Amerikaanse simbole soos ambassades, skole en kitskosrestaurante aan te val.

Die video word ook geblameer vir die geweld in Libië waarin die Amerikaanse ambassadeur en drie ander mense dood is.

– Volg Nuus24 op Twitter 

- SAPA