Google beboet oor verkope van onwettige medikasie

2011-08-25 10:29

Kaapstad – Die internet-reus Google het ingestem om ‘n boete van $500 miljoen (sowat R3.6 miljard) te betaal oor advertensies vir onwettige medikasie op sy soekblad verskyn het.

Google vermy kriminele klagtes deur die boete te betaal na hy advertensies geplaas het waarmee Kanadese apteke medikasie onwettig aan Amerikaners verkoop het.

Dié reuse-boete is ‘n aanduiding van die wins wat die maatskappy as gevolg van die advertensies en die verkope van die medikasie gemaak het, het die staatsaanklaer gesê.

Google het gesê hy moes nooit die advertensies aanvaar het nie.

“Ons het Kanadese apteke se advertensies vir voorskrifmiddels in die VSA verbied,” het die maatskappy in ‘n verklaring gesê.

“Dit is egter duidelik ons moes nooit hierdie advertensies op Google geplaas het nie,” het die verklaring gelui.

– Lees meer hier.

– Volg Nuus24 op Twitter.