Gmail kry ‘n nuwe jas
2011-11-02 16:00
New York – Google het Donderdag sy gratise e-posdiens Gmail se nuwe minimalistiese jas bekendgestel en gebruikers kan nou oorskakel.
“Ons sien uit om Gmail se nuwe voorkoms en funksionaliteit met julle te deel,” het Google se hoof van gebruikerservaring, Jason Cornwell, gesê.
“Ons sal die nuwe Gmail binnekort aan almal beskikbaar stel,” het hy gesê. “Vir gebruikers wat egter dadelik wil oorskakel, het ons ‘n knop met dié funksie aan die onderkant van Gmail geplaas.”
Die nuwe uitleg maak dit glo vir gebruikers makliker om gesprekke te volg en te weet wie het wat gesê. Dit sluit ook ‘n verbeterde soekfunksie in.
Google gee ook sy gebruikers nou meer insig en beheer oor die advertensies wat op Gmail verskyn.
“Ons is vasberade om gebruikersbeheer te gee oor die advertensies wat hulle sien,” het Google se visepresident van advertering, Susan Wojcicki, gesê.
– Volg Nuus24 op Twitter.
- AFP