Gloeiende katte help Vigs beveg
2011-09-12 09:02
New York – Katte wat weens genetiese modifisering (GM) in die donker gloei kan wetenskaplikes help in die stryd teen vigs, het navorsers gesê.
Die wêreld is tans in ‘n stryd teen twee vigs-pandemies gewikkel – een by mense en die ander by huiskatte.
“Ons wil probeer om die kat teen die vigs-virus te beskerm en daardeur ook die mens te beskerm,” het die hoofnavorser Eric Poeschla van die Mayo Clinic College of Medicine in Rochester, Amerika gesê.
“Sommige organe by katte, soos die oog, is baie soos dié van die mens,” het Poeschla verduidelik.
Die wetenskaplikes het die gloeiende GM-katte deur kloning laat leef. Die katte se helder groen of rooi skynsel is ‘n sigbare teken van ‘n suksesvolle genetiese modifikasie.
Die navorsing is in die joernaal Nature Methods gepubliseer.
– Lees meer hier.
– Volg Nuus24 op Twitter.