Gifstowwe in Durban se seewater – verslag

2012-09-08 16:30

Durban – Tagtig persent van Durban se seewater wat in die afgelope jaar getoets is, het nie aan Suid-Afrikaanse waterstandaarde voldoen nie, het die Independent on Saturday berig.

Die toetse, wat deur die eThekwini munisipaliteit se departement van water en sanitasie uitgevoer is vir die jaar wat in Julie eindig, het hoë vlakke van E.coli en Enterococcus, wat cholera en gastro-intestinale siektes veroorsaak, opgelewer.

Die koerant berig verder dat prof. Hideshige Takada van die Tokio Universiteit van Landbou en Tegnologie sê Durban se Isipingo-strand het die hoogste vlakke van benseenheksachloried (HCH) in die wêreld.

HCH is ‘n toksiese stof wat gebruik word as ‘n pesdoder op gewasse en hout en om kopluise te behandel.

Takada se navorsing is gebaseer op monsters wat uit 200 gebiede oor die wêreld heen geneem is.

Konsentrasies van HCH in Durban was 61 nanogram per gram (ng/g), terwyl dit in Port Elizabeth 5 ng/g was en op die Kaapse Weskus 3 mg/g gemeet het.

– Volg Nuus24 op Twitter

 

- SAPA