Nee, Facebook gaan nié sluit nie
2011-01-10 10:04
Kaapstad - ‘n Gerug wat die naweek die ronde gedoen dat Facebook op 15 Maart gaan sluit omdat die stigter van die maatskappy, Mark Zuckerberg, “sy ou lewe wil terughê” en die behoefte het “om ‘n einde aan hierdie malheid te bring,” is as onwaar afgemaak.
Mashable.com het ‘n amptelike bevestiging van Facebook se direkteur van korporatiewe kommunikasie, Larry Yu, ontvang dat die gerug vals is.
Daar is per epos aan Yu gevra of Facebook op 15 Maart sy deure gaan sluit, waarop hy geantwoord het: “Die antwoord is nee, so help ons asseblief om ‘n einde aan hierdie simpelheid te bring.”
“Ons het nie die memo ontvang dat ons gaan toemaak nie en daar is baie om te doen, so ons werk net voort soos altyd.
"As mens mooi daaroor dink, sal Facebook sy deure sluit, slegs dae nadat hy reuse-befondsing van $450 miljoen (sowat R3 miljard) van Goldman Sachs en $50 miljoen (sowat R340,5 miljoen) van die Russiese beleggingsfirma Digital Sky Technologies ontvang het?"
Lees meer by Mashable.com
Volg Nuus24 op Twitter