Gene geprogrammeer om vet af te skud
2011-12-01 13:00
New York – Wetenskaplikes het ‘n manier ontdek om metaboliese gene in spiere te herprogrammeer om mens se atletiese vermoëns drasties te verbeter.
Die navorsers van die Sanford-Burnham-navorsingsinstituut in Amerika het die verband tussen spiere se vermoë om suiker as brandstof te gebruik teenoor die spier se werking bestudeer.
Hulle het bevind hulle kan die spiere se metaboliese gene herprogrammeer sodat dit suiker beter kan verbrand.
“Dit verbeter mens se atletiese vermoëns tot buitengewone vlakke,” het die navorser Daniel Kelly gesê.
Die bevinding kan tot nuwe insigte in die behandeling van vetsug, metaboliese sindroom en diabetes lei, het die navorsers gesê.
– Lees meer hier.
– Volg Nuus24 op Twitter.