Geliefdes word al meer digitaal afgesê

2010-02-25 02:02

Londen – Verhoudinge wat digitaal beëindig word is aan die toeneem volgens ‘n peiling wat onlangs gedoen is. Mense verkies glo deesdae om hul verhoudinge op die web of deur die hulp van sosiale netwerke te beëindig as om dit in persoon te doen.

Meer as ‘n derde van die 2000 mense (34%) wat aan dié peiling deelgeneem het sê hulle het al ‘n verhouding per e-pos beëindig terwyl 13% al hul verhoudings-status op die sosiale netwerk Facebook tot “enkellopend” verander het, sonder om die ander persoon in kennis te stel.

Sowat ses persent het ook gesê dat hulle al die beëindiging van hul verhouding op die sosiale netwerk Twitter aangekondig het terwyl twee persent dit per sms gedoen het.

Lees meer oor dié studie by www.ioltechnology.co.za.