Geen porno vir Irak
2009-08-03 12:19
Die Irakese regering het Maandag aangekondig dat ‘n hoof aangestel is om internetgebruikers te verhoed om pornografiese webblaaie te besoek.
Irak se kabinet het besluit om dié nuwe wetgewing in te sluit by hulle konstitusie.
Nuri al-Maliki, Irak se primier, het generaal Ali al-Saadi aangestel om as hoof van ‘n komitee wat pornografiese webblaaie sal identifiseer en blok, op te tree.
“Amptenare van die departemente van kommunikasie, hoër onderwys en wetenskap en tegnologie sal pornografiese webtuistes blok. Dit stem nie met die waardes van Islam of die norme en tradisies van Irak se samelewings oor een nie”, het ‘n woordvoerder gesê.
-Sapa