Gebruikers glad nie Gaga oor Twitter-slenter
2011-04-29 11:16
New York - ‘n Nuwe Twitter-slenter wat gebruikers met beloftes van ‘n verbode Lady Gaga-musiekvideo lok het selfs vir Lady Gaga self gevang.
Gebruikers volg glo die skakel na die beloofde Lady Gaga-video, waar 'n program toegang tot die gebruiker se Twitter-profiel vereis.
Wanneer gebruikers op die “Play”-knop van die bogvideo druk, stuur die program namens die gebruiker die skakel as gemorspospos aan al die gebruiker se Twitter-volgelinge.
In die meeste gevalle bevat die tweets ‘n variasie van die volgende:
VIDEO PROHIBIDO LADY GAGA banned [LINK] @shakira @ladygaga como ganar dinero facil
Lady Gaga het self vir die slenter geval en daarna briesend getweet: “Wie ookal my Twitter-profiel gekuberkraak het, gaan aan 10 miljoen monsters (haar aanhangers) en die Twitter-polisie moet verduidelik.”
Mama Monster, soos sy onder haar Twitter-volgelinge bekendstaan, se nuutste treffer, "Judas", het groot opskudding regoor die wêreld veroorsaak weens die lied se gewaagde lirieke.
Lees meer hier.
Volg Nuus24 op Twitter.