Gebruikers dagvaar BlackBerry
2011-10-28 10:01
Londen – BlackBerry-gebruikers in Amerika en Kanada dagvaar die slimfoon se vervaardiger na die diensonderbreking hulle sonder e-pos en internettoegang gelaat het.
‘n Klag is Woensdag namens alle BlackBerry-gebruikers in Kanada gelê wat Research in Motion (RIM) van kontrakbreuk beskuldig.
‘n Soortgelyke klag is in die VSA gelê, berig die BBC.
“’n Klag is teen ons gelê,” het RIM in ‘n verklaring gesê.
“Ons sal binnekort formeel op die klag reageer,” lui die verklaring.
Die klag beweer RIM “is verantwoordelik vir die fout wat BlackBerry-gebruikers sonder e-pos, BBM en internet gelaat het.”
Die onderbreking het wêreldwyd op 10 Oktober begin.
– Lees meer hier.
– Volg Nuus24 op Twitter.