GM-oeste 'moet wetenskaplik benader word'
2011-03-03 23:00
Johannesburg – Suid-Afrika kan nie bekostig om emosioneel te
raak oor geneties gemodifiseerde (GM) oeste nie, het Pieter Mulder, adjunkminister van landbou, bosbou en
visserye, gesê.
Hy het tydens ‘n perskonferensie in Centurion oor
die stand van sake wat die wêreld se GM-oeste aanbetref, gepraat.
“Ons kan nie bekostig om verstrengel te raak
in ‘n debat wat nie wetenskaplik is nie,” het Mulder gesê.
Hy het gesê daar is tans 2,2 miljoen hektaar
geneties gemodifiseerde oesland in Suid-Afrika en hy verwag om dié area binne
die volgende paar jaar te vergroot.
Blykbaar word byna 77% van die kommersiële mielielande
in Suid-Afrika met GM-gewasse gesaai.
Ongeveer 19 000 hektar GM-mielies word deur
boere op kleinhoewes geplant.
Mulder het ook gesê dat Afrika hul eie
navorsing op die gebied moet doen en nie net op oorsese navorsing staatmaak
nie.
Volgens Mulder is dit meestal Europese lande
wat teen GM-gewasse gekant is.
Volg Nuus24 op Twitter.
- SAPA
