G8 sal meer regeringsinvloed op internet steun
2011-05-26 13:20
Deauville, Frankryk - Die G8-beraad in Frankryk sal instem dat regerings 'n groter rol moet speel in die "skep van 'n omgewing waarbinne die internet op 'n gebalanseerde wyse kan groei."
Luidens 'n verklaring wat deur AFP gesien is, meen die G8-groep dat die privaatsektor steeds die dryfkrag agter die aanlyn-ekonomie bly, en klem lê op die behoefte aan deursigtigheid en vryheid van spraak.
Die verklaring vra egter vir 'n "respek van die wet, menseregte, fundamentele vryhede en die beskerming van intellektuele eiendom."
Dit is in lyn met die gasheerland, Frankryk, se pres. Nicolas Sarkozy se veldtog vir 'n "beskaafde internet".
Volg Nuus24 op Twitter.
- AFP