Frankryk sê borsinplantings hou geen kanker-risiko in
2011-12-23 14:50
Parys – Tienduisende vroue in Frankryk, Brittanje en ander lande het gewag op riglyne van die Franse regering oor wat om met hul borsinplantings, wat moontlik onveilig is, te doen.
Die Franse gesondheidsowerhede het egter Vrydag gesê daar is geen kanker-risiko verbonde aan die inplantings wat deur die plaaslike maatskappy PIP gedoen is nie.
Die owerhede het egter aanbeveel die 30 000 vroue met inplantings moet dit eerder laat verwyder, nadat kanker by agt gevalle gediagnoseer is.
Vroue met PIP-inplantings “loop nie ‘n groter risiko van kanker as vroue wat inplantings van ander maatskappye het nie”, het ‘n verklaring gelui. Daar is egter bygevoeg dat daar ‘n “groot risiko van skeuring is”.
Lees hier meer.
- Sapa - AFP