‘Fotobewyse’ van wegraping op Twitter
2011-05-23 11:52
New York - Teen laataand Saterdag het die aarde nog om sy as gedraai met al sy bewoners se voete steeds plat op die vloer.
Dit ondanks die Amerikaanse evangelis en president van Family Radio, Harold Camping (89), wat 21 Mei 2011 tot die dag van die wegraping verklaar het.
Gebruikers van sosiale media het die spot met die oordeelsdagverklaring gedryf en foto’s as ‘bewyse’ van hul wegraping onder die hutskode #rapturebomb op Twitter versprei.
Party gebruikers het ook hul laaste sondes onder #endoftheworldconfessions verklaar.
’n Vorige keer het Camping die dag as 6 September 1994 voorspel, maar hy was toe ook verkeerd.
Volgens Camping se berekening was Saterdag presies 7 000 jaar ná die Bybelse Sondvloed en is na fyn sinchronisering van die Hebreeuse en die hedendaagse kalenders as oordeelsdag verklaar.
Lees die volledige storie hier.
Volg Nuus24 op Twitter.