Foliensuur kan lei tot asma
2009-11-04 14:22
Sydney - Vroue wat foliensuuraanvullings tot laat in hul swangerskap gebruik kan dalk hul ongebore babas se kanse op asma verhoog, het ‘n studie in Australië bevind.
Foliensuur wat in sy natuurlike vorm in blaargroentes, peulvrugte en neute voorkom, word algemeen voorgeskryf aan swanger vroue om geboorte-afwykings soos spina bifida (oop ruggie/werwelkolom) te voorkom.
Tog het dié studie deur Australiese navorsers bevind dat foliensuur, babas se kanse om asma te ontwikkel kan verhoog, as die aanvullings gedurende die latere fase van swangerskap geneem word.
Van die 550 vroue wat deel was van die studie, het die wat aanvullings voor kontrasepsie en nie langer as ‘n paar weke tydens die beginfase van hul swangerskap geneem het, se babas geen verhoogde kanse om asma te ontwikkel, getoon nie.
By vroue wat dié aanvullings vanaf week 16 tot 30 van hul swangerskap geneem het, het die risiko met 30% verhoog.
“Ons bevindings behoort gerustellend te wees vir vroue wat foliensuur tydens die beginfase van swangerskap neem aangesien ons geen bewyse kon vind van gevalle wat die risiko van asma verhoog nie,” het Michael Davis ‘n professor by die universiteit van Adelaide aan die AAP-nuusagentskap gesê.
- Sapa