Flamink-ma's met fop-eiers gekul
2011-07-13 21:08
Columbus – ‘n Dieretuin in Ohio gebruik fop-eiers om
flamink-ma’s te kul sodat hulle hulself nie te veel ooreis nie.
Die Columbus Dieretuin en Akwarium het gevind
dat flamink-eiers beter uitbroei in broeikaste as op die
natuurlike manier.
Sodra hulle egter die eiers van die flamink-ma’s af
wegvat, lê hulle bloot nóg.
Dit kan uitputtend raak en die dieretuin het
besluit om in te tree.
Sodra hulle die regte eiers verwyder het, word
die flamink-ma’s gekul deur die regte eiers met hout- of gips-eiers te vervang.
Drie flamink-eiers het verlede week in ‘n broeikas uitgebroei.
Volg Nuus24 op Twitter.
- Sapa - AP