Fisieke afwykings met sigaretrook verbind
2011-07-12 14:08
Vermisde of misvormde ledemate, horrelvoete,
gesigsversteurings en gastro-intestinale probleme is onder die mees algemene
afwykings wat volgens ‘n nuwe studie met die babas van vroue wat tydens
swangerskap rook, geassosieer word, het
die Science Daily berig.
Die navorsing, gedoen by die University College in Londen
(UKL), is die eerste volledige ondersoek na die spesifieke geboorte-afwykings wat rook tydens swangerskap veroorsaak.
Ten spyte van toenemende openbare waarskuwings teen die gevare
wat sigaretrook vir ongebore babas inhou, rook nagenoeg 45% van swanger vroue
onder die ouderdom van 20 jaar en 17% van alle swanger vroue in die Verenigde
Koninkryk.
“Hierdie navorsing se boodskap is dat voornemende ma’s moet
ophou rook voordat hulle swanger raak,
of baie vroeg in hul swangerskap, om te vermy dat hul babas met ‘n ernstige en lewenslange
fisieke afwyking gebore word,” het Allan Hackshaw, professor aan die
kanker-instituut by UKL, gesê.
– Lees die volledige storie hier.