Facebook verlos van tweeling se eise

2011-06-23 12:12

Johannesburg – Die Winklevoss-tweeling het Donderdag besluit om die uitgerekte regstryd teen die Facebook-stigter Mark Zuckerberg te laat vaar.

Die twee mans is die afgelope sewe jaar reeds in 'n stryd met Zuckerberg gewikkel.

Hulle beweer hy het hulle idee vir 'n sosiale netwerk gesteel.

Die tweeling beweer Zuckerberg het hulle vir die gek gehou en dokumente versteek wat kon bewys hulle is tot meer as die R435 miljoen rand waarop daar in 2008 ooreengekom is, geregtig.

Hulle het probeer dat 'n regter die ooreenkoms ongeldig verklaar sodat hulle opnuut met 'n stryd om meer geld kon begin.

Na 'n aantal terugslae het die twee besluit dat hulle die saak nou laat vaar.

– Volg Nuus24 op Twitter.

– RSG