Facebook spog met blink nuwe baadjie
2010-02-05 20:25
Kaapstad – Facebook-gebruikers wat vanoggend vir hul daaglikse dosis sosiale media ingeteken het, is verras deur 'n nuwe tuisbladontwerp.
Van die veranderinge aan die ontwerp sluit 'n meer prominente soekfunksie bo-aan die blad in, en 'n paar ander verkskuiwings laat gebruikers toe om meeste van hul Facebook-aktiwiteite op die tuisblad af te handel.
Die stuur van boodskappe is byvoorbeeld ook duidelik bo-aan die blad beskikbaar, en groepe waarvan gebruikers deel is, asook uitnodigings, word van onder af na die linkerkant van die bladsy geskuif.
Behalwe vir die feit dat die webwerf vandeesweek ses jaar oud is, het Facebook-uitvoerende beampte Mark Zuckerberg ook aangekondig dat die netwerk die mylpaal van 400 miljoen gebruikers verbygesteek het.
Lees meer oor oor die herontwerp by Mashable