Facebook se 'Spam King' aangekla
2011-08-06 11:00
San Jose, Kalifornië – ‘n Jurie het ‘n man van Las Vegas daarvan aangekla dat hy meer as 27 miljoen gemors-boodskappe na Facebook-gebruikers gestuur het.
Die 41-jarige Sanford Wallace, wat bekend gestaan het as die “Spam King”, het homself Donderdag oorgegee.
Volgens aanklaers het Wallace tussen November 2008 en Maart 2009 reuse-hoeveelhede gemorspos deur die maatskappy se bedieners na sowat 500 000 Facebook-rekeninge gestuur.
‘n Regter het Wallace in Maart 2009 verban om dié sosiale netwerk te gebruik, maar die aanklag teen hom beweer dat hy die bevel binne ‘n maand oortree het.
Wallace staan tereg op ses aanklagte van e-pos-bedrog, drie aanklagte van die beskadiging van ‘n beskermde rekenaar en twee aanklagte van kriminele minagting
– Volg Nuus24 op Twitter
- AP