Facebook los jou adres en foonnommer uit
2011-01-18 15:10
San Diego - Facebook se onlangse besluit om derdeparty ontwikkelaars toe te laat om toegang te verkry tot gebruikers se adresse en selfoonnommers het sedert die naweek ‘n hele paar mense op hol gehad.
Die sosiale netwerk het hierdie program nou tydelik gesluit totdat veranderinge geïmplementeer word wat gebruikers sal help om meer ingeligte besluite te maak oor of hulle hierdie data wil deel of nie.
Huffington Post het vroeër berig dat die stigter van Facebook, Mark Zuckerberg, gesê het dat dit sy maatskappy se mikpunt is om die “wêreld meer oop en gekonnekteer te maak.”
Die soeke na groter oopheid sluit in dat Facebook gebruikers se woonadresse en selfoonnommers met die derdeparty ontwikkelaars, wat Facebook-programme ontwerp, deel.
Dit wil sê dat jou persoonlike inligting nou deur ‘n Facebook-program bekom kan word, maar slegs as jy toestemming gee daarvoor.
Lees meer by Mashable.com
Volg Nuus24 op Twitter