Facebook pryk nou selfs op stokou fone
2011-07-14 13:38
New York – Die sosiale netwerk Facebook het ‘n webprogram bekendgestel wat selfs die oudste selfone in sosiale vlinders kan verander.
Facebook het ook verskeie diensverskaffers oor die wêreld heen oorreed om Every Phone gratis beskikbaar te maak.
Die nuwe program is ontwerp om so min as moontlik data te gebruik – selfs minder as die selfoonweergawe van Facebook.
Die min data maak dit maklik vir ouer, eenvoudiger fone om Facebook te verstaan en maak ook die diens meer aantreklik aan diensverskaffers wat suinig data uitdeel.
Every Phone lyk baie na sy eweknie op slimfone en het ook ‘n tuisblad wat teelikone vir die bekende funksies News Feed, Inbox, Photos en Messages eenvoudig uitstal.
Dit is nog nie bekend of die diens in Suid-Afrika beskikbaar sal wees nie.
– Lees meer hier.
– Volg Nuus24 op Twitter.