'Facebook is nie vir kinders'
2011-07-21 20:38
Sydney – Amptenare in Australië het Donderdag gesê hulle oorweeg om strenger ouderdomsbeperkings op Facebook te plaas om ouers meer beheer oor hul kinders se aktiwiteite op dié sosiale netwerk te gee.
Facebook het tans 10 miljoen gebruikers in Australië – sowat die helfte van die bevolking.
Die sosiale netwerk vra nuwe intekenaars wel of hul ouer as 13 jaar is, maar daar is geen formele manier om die toepassing van die ouderdomsbeperking na te gaan nie.
Die staatsprokureur, Robert McClelland, het gesê ouers meen 13 is te jonk en “inhoud wat hul eie kinders op Facebook laai, kan hul loopbaanvooruitsigte in die toekoms kniehalter".
Wetgewers wil ‘n ouderdomsbeperking van 18 jaar vir Australiese gebruikers voorstel wat ook ouers maklike toegang tot hul kinders se Facebook-profiele sal gee.
– Volg Nuus24 op Twitter.
- Sapa - AFP