Facebook gaan dalk publiek in 2012
2010-09-29 00:02
New York – Die sosiale netwerk, Facebook sal nie binne die volgende twee jaar publiek gaan nie, het Peter Thiel, ‘n direkteur gesê.
“Ek dink ons sal Google se voorbeeld volg, en dit is om nie publiek te gaan tot baie, baie laat in die proses nie.”
“Ons sal privaat vir so lank as moontlik bly,” het hy gesê.
Volgens Thiel sal hulle heel moontlik in 2012 vir die publiek die geleentheid gee om aandele te koop.
Facebook, wat in 2004 deur die 26-jarige Mark Zuckerberg gevind is het reeds meer as 500 miljoen gebruikers.
- Volg Nuus24 op Twitter.
- Sapa - AFP