Porno-vlaag op Facebook raak probleem
2011-11-16 10:46
New York – Facebook ondersoek 'n vlaag van gewelddadige en pornografiese foto’s wat wyd en syd op die sosiale netwerk te sien is.
Die aanstootlike inhoud het onlangs op nuusvoere op Facebook verskyn. Dit sluit in pornografie, beelde van geweld, dieremishandeling en selfs gedokterde foto’s van Justin Bieber in seksuele situasies, het die internet-sekerheidsfirma Sophos gesê.
Gebruikers sien die foto’s onder vriende se naam, maar die inhoud is nie sigbaar vir die vriend self nie.
“Ons het onlangs ‘n toename in die klagtes oor hierdie inhoud ervaar en ons ondersoek die saak,” het Facebook se Andrew Noyes gesê.
– Lees meer hier.
– Volg Nuus24 op Twitter.