Facebook-blaps laat wange rooi

2011-07-25 12:12

Die doolhof van gekompliseerde verstellings nodig om privaatheid op Facebook te verseker het vir seker vandeesweek ‘n paar wange rooi gelaat.

Dié keer is dit die sosiale netwerk se Video-funksie wat die gebruikers in die verleentheid bring.

Die afgelope week het die beperkings op wie sensitiewe videomateriaal mag sien nie gewerk soos dit moes nie.

Gebruikers se Facebook-vriende kon grafika van private video’s sien, asook ‘n beskrywing van die video en die name van vriende in die video.

Kort van totale vernedering vir die gebruiker en sy trawante in die video is die nuuskierige agie egter met die boodskap “This video either has been removed from Facebook or is not visible due to privacy settings” gefnuik wanneer daarop gekliek is.

– Lees meer hier.

– Volg Nuus24 op Twitter.