Facebook af weens tegniese fout
2010-09-23 22:36
San Francisco – Miljoene Facebook-gebruikers wêreldwyd kon Donderdagaand nie op hulle Facebook-profiele inteken nie weens ‘n tegniese fout.
Die internet was aan die gons nadat Facebook sedert vroeg Donderdagaand probleme gegee het.
Volgens BNO News is ‘n onbekende tegniese fout te blameer vir die feit dat dié sosiale netwerk nie beskikbaar was nie.
Selfs Facebook se gewilde “Like”-knoppie het vanaf ander webtuistes verdwyn en heelwat probleme veroorsaak.
“Ons is bewus van die probleem en werk daaraan,” het Meredith Chin, facebook-woordvoerder, aan BNO News gesê.
Twitter het sowat twee dae gelede ook probleme ervaar toe dié webtuiste deur kuberkrakers oorgevat is. Miljoene gebruikers moes byna ‘n dag lank wag voordat alle orde herstel is.
Volg nuus24 op Twitter.
Nuus24