FNB loods nuwe program vir slimfone
2011-07-20 18:12
Kaapstad – FNB het die eerste bank in Suid-Afrika geword om ‘n
mobiele toepassingsprogram (app) op verskeie groot platforms te loods.
Die bank het Dinsdag ‘n program waarop gebruikers hul banksake
kan afhandel vir Android, iPhone en Blackberry-toestelle geloods in ‘n oënskynlike poging
om kliënte wat alreeds dié bank se Internet-bankdienste gebruik, verder aan te spoor.
Bo en behalwe al die funksies van webgebaseerde bankdienste,
wys dié program ook vir gebruikers waar die naaste kitsbank is deur die GPS-navigasie
op hul tabletrekenaars en slimfone in te span.
Dit is onwaarskynlik dat die nuwe program die meerderheid
mense wat reeds hul selfone vir bankdienste gebruik sal beïnvloed, maar soos
die prys van slimfone daal, sal meer mense mettertyd daarvan gebruik
maak.
– Volg Nuus24 op Twitter.
- News24