Ekstreme weer ál meer algemeen

2013-01-15 13:37

Sydney – Die ekstreme hittegolf wat dié somer talle veldbrande in Australië veroorsaak het, is deel van ‘n groeiende tendens van ekstreme weersverskynsels, het die Interregeringspaneel oor Klimaatsverandering (IPCC) se voorsitter gesê.

“As jy daarna kyk, dink ek is dit nogal duidelik dat dit ‘n tendens raak en enige behoorlike ontleding sal toon dat ons in daardie rigting beweeg,” het Pachauri aan die Australian Broadcasting Corporation gesê.

Pachauri het bygevoeg dat die aarde se temperatuur teen die einde van die eeu met 1.1°C tot 6.4°C kan styg.

Rekordtemperature in die suide van Australië het die afgelope tyd vedlbrande oor die land heen veroorsaak.

Sowat 500 000 hektaar is verlede week in die brande vernietig.

Scott Power, ‘n weerkundige, het gesê veldbrande is 'n gewone verskynsel in die Australiese somer, maar dat kilmaatsverandering definitief veroorsaak dat die veldbrande toeneem.

Altesaam 250 wetenskaplikes en weerkundiges gaan in Hobart bymekaarkom om te werk aan die IPCC se volgende verslag, wat in September bekend gestel sal word.

– Volg Nuus24 op Twitter
 

- Sapa - AFP