Ekoloog ondersoek Mad Max-skade in Nam

2012-12-14 17:44

'n Ekoloog in Namibië het 'n verslag opgestel oor die skade wat die rolprent Mad Max 4: Fury Road in Namibië nagelaat het, berig die Republikein.

Die koerant berig verder dat die vervaardigers van dié rolprent dalk gedwing kan word om na die land terug te keer om hul lapwerk aan 'n beseerde landskap oor te doen.

Die koördineerder van die kusbewaringsprojek Nacoma, Rod Braby, het bevestig dat Joh R. Henschel, 'n ekoloog met 'n liefde vir die Namib, 'n versoek uitgevoer het om 'n verslag op te stel oor die skade wat Mad Max nagelaat het nadat verfilming in verskillende dele van die sentrale kus en sy verwante woestyngebiede gedoen is.

Basisse van die rolprentspan het van die afdraaipad na Uis net noord van Hentiesbaai tot by die Paaltjies suid van Walvisbaai gestrek.

Die Henschel-verslag word aan die ministerie van die omgewing en toerisme vir moontlike optrede teen Mad Max voorgelê.

– Lees meer hier

– Volg Nuus24 op Twitter