Egiptenaars gebruik Morse-kode vir internet-boodskappe
2011-01-31 09:21
Egipte – Anonieme Internet-gebruikers het hul kragte saamgespan om kommunikasie-middele aan mense in Egipte te verskaf nadat die Internet in dié land verlede week gediskonnekteer is.
“Internet werk nie, polisiekarre brand,” het een Egiptenaar geskryf.
“Vandag is ‘n merkwaardige dag vir Egipte,” het ‘n ander geskryf.
Hierdie boodskappe was nie afkomstig van selfone of rekenaars nie, maar van ‘n amateur-radio wat Morse-kode êrens te midde die chaos in Egipte uitstuur.
Die Egiptiese regering se pogings om kommunikasie binne die land te beperk het gelei tot ‘n golf van aktivisme van ‘n internasionale groep van aktiviste vir vrye spraak op die internet.
Die groep staan bekend as Telecomix.
Met die hulp van gespreksforums en wikis het hierdie anonieme groep gewerk om Egiptenaars in te lig oor hul kommunikasie-opsies, terwyl hulle inkomende boodskappe van die Egiptenaars ontvang het.
Telecomix het voorheen ook aan pogings tot vrye spraak in Tunisië, Iran, China en ander lande waar die internet gesensor of geblok is gewerk.
Lees meer by Huffington Post
Volg Nuus24 op Twitter