Eeue-oue fossiel help wetenskaplike studie
2010-03-04 02:56
Nieu-Delhi – ‘n Fossiel van ‘n reuse slang wat rondom dinosourus eiers gekrul lê en sowat 67-miljoen jaar oud is het ‘n wetenskaplike studie oortuig dat slange eens op pasgebore dinosourusse oorleef het.
Die fossiel is 1987 in die dorpie Dholi Dungri in die staat van Gujarat gevind. Dit het bygedra om ‘n internasionale span van paleontoloë te help om die ongewone eetgewoontes van die 3.5meter lange prehistoriese slang, die Sanajeh Indicus te bevestig.
Dié studie is in die joernaal Plos One gepubliseer.
Die span wetenskaplikes sê die oorblyfsels van die slang is in ‘n nes van ‘n sauropod dinosourus se pas uitgebroeide eiers ontdek. Sauropod dinosourusse was die grootste diere wat nog op die aarde geleef het en sommige spesies het tot 100 ton geweeg.
- Sapa